درایں اثناء


درایں اثناء

10422448_766037153526788_7689734686521145669_n
پاکستان کرکٹ بورڈ (PCB) میں اکھاڑ پچھاڑ۔
مولانا طارق جمیل نئے چیئرمین منتخب۔شہریار خان کا عہدہ چھوڑنے سے انکار۔
حکومت پاکستان نے پی سی بی کی تشکیل نو کا فیصلہ کرلیا۔ یہ فیصلہ ایک اعلیٰ سطحی اجلاس میں کیا گیا۔
سوتروں کے مطابق پاکستانی کرکٹ ٹیم کی حالیہ ناکامیوں کو دیکھتے ہوئے پاکستانی حکام نے کرکٹ کی تنظیم نو کے لئے بعض اہم اقدامات اٹھاتے ہوئے شہریار خان کی جگہ مولانا طارق جمیل کو پی سی بی کا نیا چیئرمین مقرر کردیا ہے۔ یہ فیصلہ آج کے ایک اعلیٰ سطحی اجلاس میں کیا گیا جس کی سربراہی وزیراعظم نواز شریف نے کی۔ ہمارے نمائندے کے مطابق اس اجلاس میں اور بھی کئی اہم فیصلے کئے گئے جن کے مطابق جنید جمشید کی سیکریٹری پی سی بی کے عہدے پر تعیناتی کی بھی منظوری دی گئی۔
درایں اثناء ایسی بھی اطلاعات ہیں کہ انضمام الحق کو کرکٹ بورڈ کا نیا چیف سیلیکٹر جبکہ محمد یوسف کو پاکستانی کرکٹ ٹیم کا نیا مینیجر مقررکیا کیا ہے۔ اجلاس میں پاکستانی کرکٹ ٹیم کی یونیفارم میں بعض تبدیلیوں کی بھی منظوری دی گئی جس کے مطابق پاکستانی کھلاڑی آئندہ پی کیپ کے بجائے سفید یا سیاہ رنگ کی گول ٹوپی پہنیں گے جب کہ ان کی پتلونوں کے پانچے ٹخنوں سے اوپر ہوں گے۔ کھلاڑیوں کے لئے لمبی داڑھی رکھنا اورمونچھیں منڈوانا بھی لازمی قرار دیا گیا ہے۔
درایں اثناء پی سی بی کے نئے چیئرمین مولانا طارق جمیل نے نئی پاکستانی ٹیم کی تشکیل کے لئے ٹرائلز کی تاریخوں کا اعلان کردیا ہے۔ یہ اعلان مولانا طارق جمیل کے نمائندہ خصوصی مولانا صابرمینگل نے ایک نیوز کانفرنس کے دوران کیا۔ انہوں نے بتایا کہ چیئرمین صاحب نے استخارہ کرنے کے بعد ٹرائلزکے لئے شعبان کا مہینہ منتخب کیا ہے۔ یہ ٹرائلز رائے ونڈ میں ہونگے جس کے بعد صرف ان کھلاڑیوں کا انتخاب کیا جائے گا جو دینی احکامات کے بارے مییں کما حقہ معلومات رکھتے ہوں گے۔ مولانا صاحب نے ٹرائلز میں شرکت کے خواہشمند کھلاڑیوں کو تاکید کرتے ہوئے کہا کہ رائے ونڈ آتے وقت وہ اپنے ساتھ ایک عدد لوٹا، ایک ہوائی چپل اور مسواک لانا نہ بھولیں ورنہ انہیں "ڈس کوالیفایڈ” قرار دیا جائے گا۔
مولانا صابرمینگل نے یہ بھی بتایا کہ مستقبل میں بین الاقوامی کرکٹ کے مقابلوں سے ایک ہفتے قبل ملک کے مختلف شہروں میں پاکستانی کرکٹ ٹیم کی کامیابی کے لئے دعائیہ اجتماعات منعقد کئے جائیں گے۔
دریں اثناء یہ بھی معلوم ہوا ہے کہ جنید جمشید نے پاکستانی کرکٹ ٹیم کے لئے ایک آفیشل قصیدہ پڑھنے کی حامی بھر لی ہے جس کی ریکارڈنگ عنقریب رائے ونڈ کے "روح افزاء سٹوڈیو” میں ہوگی۔

Share This:

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

جملہ حقوق بحق چنگیزی ڈاٹ نیٹ محفوظ ہیں